kinsonkwok

買二手樓想換則，裝修前有咩要注意？ 近年由於樓市辣招改變左樓市嘅價格同供求情況，上到車嘅業主有一大部分鍾情於新樓，皆因帳面上折扣吸引，仲可以享受新樓新設施。但其實，二手樓亦有其吸引之處，除左單位有一定程度折舊外，買家可以考慮盡情做翻新大裝修同改裝，甚至換則。 除左最基本嘅知識，好似認清主力牆唔可以拆之外，改則裝修時要一定要注意嘅事項，包括： 換掉老化水管 二手樓水管路線可能有唔合理嘅布局、水管生锈及老化。裝修時記得要全面更為銅喉等合規格喉管。裝修洗手間前要先堵住地漏：漏水則必須重做防水工程；完工後亦都唔可以留下死角。 注意牆面地板天花狀況 舊樓裝修時，必定要請專業人員為牆面、地板、天花進行實地勘察，仔細檢查有無明顯裂紋、是否平整、有無脫落和起沙等狀況。 拆除重鋪瓷磚 改則重整套廁嘅時候，拆除舊瓷磚重鋪時，千祈要小心拆除墻磚及瓷磚地板時，避免碎片堵塞水渠；重鋪後防水尤其係企缸四邊及牆身要做好，同埋儘量減少來去水彎曲，避免流水不暢或堵塞。 當然，裝修改則幫自己整靚一個五星級的家絕對係大工程。除左以上三點之外，仲有大把野「細位」要注意。有需要嘅時候，必定要搵合資格嘅專業人士，或者網上配對平台免費諮詢，起碼有個基本了解都無蝕底丫。

無論新屋定舊樓，你可能都會想搵室內裝修設計公司幫你「執執」間屋，但原來就算你有幾多Budget，室內裝修設計公司喺以下3個情況底下，都唔會接手裝修工程： 唔見屋主本人唔設計 因為無經屋主本人同意而幫屋主重新裝修設計單位，裝修設計公司可能收唔到錢之餘，更有機會要負上法律責任！所以為咗避免有咩紛爭誤會，室內裝修設計公司必須見過業主，雙方確定同意之後先會開工。 唔見家居實際結構唔設計 室內設計除咗講求美感同舒適度，亦都著重安全。室內設計師單靠圖則，係唔會睇得出單位有無曾經改過間隔或存在其他安全問題。為免日後單位出現問題而負上責任，裝修設計公司一日未見過家居實際結構，一日都唔會開始設計。 時間太急唔設計 時間過急唔止容易出錯，設計出嚟嘅效果雙方都未必滿意，所以為保聲譽同避免多餘開支，時間太倉促嘅工程，裝修設計公司唔會考慮接手。 而家就 按此 預約免費專業裝修咨詢服務，同我哋嘅專業顧問傾傾你理想嘅室內裝修設計方案，一齊制定一個你專屬嘅裝修Plan啦！

樓價高企，普通中產白領上車嘅時候已經係計得「有咁盡得咁盡」，有預算剩嘅都寧願放埋響樓價度 – 買大少少、買方便少少。辛苦一輪上到車之後攪裝修，已經係「限米煮限飯」要慳住用嘅時侯，反而遇到無良裝修師傅，質素就算有保証但玩一輪坐地起價，都會令一眾新業主好頭痕。呢啲裝修師傅嘅慣常坐地起價就有以下呢幾招： 先動工 後報價 就好似「上左賊船」咁，裝修工程快快手開工，無論最後結果個質素係點都好，都會俾D無良裝修師傳「撳住搶」。 粗略估價 通常老經驗嘅裝修師傅都傾向用粗略估價方式去報價，但有時無論係出左意外情況定係裝修師傅刻意報細數，定故意坐地報價都唔係一件愉快嘅事。 唔記得、無講過 裝修師傅報價無白紙黑字，真心「唔記得、無講過」報價作廢，又或者故意坐地起價。

點先可以知道裝修公司有無拖工期？又有冇得加快裝修進度？今次為大家準備咗一般裝修流程時間表，方便你預算幾時有得入伙！ 裝修前期：10至15日 前期一般用10至15日嚟揀裝修公司同埋擬定裝修設計圖。 小提示：如果需要訂製櫥櫃，可以喺前期階段搞咗先，因為一般需時20至35日，早啲訂就可以避免因為無貨而拖慢裝修進度。 裝修中期：30至40日 裝修中期所牽涉嘅部份比較多，大致上可分為水路改造、泥水、木工以及油漆部份： 一般先進行水路改造，確定電掣插座以及來去水口位置，需時4至7日。 之後泥水師傅會整平地台同牆身、進行防水處理同鋪磚，需時12至30日。 木工同油漆通常會一齊做，因為部份木工需要油漆「收口」(即係填補縫隙)；而木工主要就係製作屋內嘅吊頂同電視背景牆，木工師傅亦會喺呢個時候進行「覆尺」，確保經過泥水工程後，傢俬尺寸依然準確。 當油漆工程做到大半，木工師傅會開始裝嵌訂造嘅傢俬、木門、門框等等，需時10至20日，確實日子視乎單位大細同傢俬多少而定。

想揀舊樓住，但一諗起要翻新就頭痕？所以我哋專誠為大家送上5大貼士，計劃裝修時就知道要留意邊啲要點！   (1) 換明喉暗喉有技巧 舊樓水喉基本都係明喉，為咗美觀同實用，好多業主都會將所有明喉改為暗喉，但其實廁所同廚房就應該留返適當長度明喉，方便日後維修。另外舊樓水喉一般係容易生鏽嘅鑄鐵或者鍍鋅，從而導致漏水同水浸等問題，所以建議大家改用銅喉、鋁塑復合喉同PPR喉。 (2) 防水試驗咪亂做 防水層可能會喺裝修時受到破壞，而強行進行防水試驗，會出現滲水到樓下嘅問題。舊樓嘅防水層有無爛到其實好易睇 —— 舊樓一般用黑色嘅防水物料，例如瀝青油同聚氨酯，而現時就多用透明嘅防水物料。

相信唔少人最怕喺裝修過程中，裝修師傅突然走數、工程爛尾，甚至拖延進度等等。但搵包埋裝修嘅室內設計公司，收費又比裝修師傅貴3成！一於教大家揀好嘅裝修師傅4大要點，喺預算內將間屋裝修到啱自己心水！   (1) 長期合作嘅施工團隊 如果裝修師傅喺水電、泥水、油漆等各方面都有自己班底，質素自然有較大保證；相反，臨時搵人或者只識判上判嘅裝修師傅，施工質素會較參差，出事風險就會更大。 (2) 會唔會親自出馬 裝修師傅會唔會「親自出馬」定係「只限監工」，都可以反映出師傅嘅收費水平同營運方式 —— 「只限監工」嘅裝修師傅主要負責項目管理，相對同客人嘅溝通能力會比較高，所以會比「親自出馬」嘅師傅收得貴。

搵裝修師傅，除咗口碑要夠好，亦都要夠「老實」—— 皆因全屋裝修會牽涉好多細節，加上你未必知道行內「公價」，如果師傅「搏大霧」，有時收貴咗你都未必知！所以搵裝修師傅前，自己先要瞭解屋企裝修嘅4大支出！ 一般而言，家居裝修分為4大部分：裝修部份、傢俬部份、家電部份同埋裝飾部份，立即為大家逐Part拆解！ (1) 最繁複嘅裝修部份 裝修部份分為室內設計同基礎裝修2個細節，室內設計係家居裝修嘅靈魂，但要同基礎裝修，如：改造水電工程等互相配合。室內設計同改造水電工程愈複雜，支出當然會愈大，建議同裝修師傅傾好自己嘅預算，避免超支。 另外，基礎裝修需要用到唔同材料，例如地板材料、開關面板、五金以至廚廁設備，唔同材料嘅價格變化可以好大，所以一定要先瞭解裝修所用主要材料嘅市場價格，再根據實際需要嘅數量落單。  (2) 慎選性價比高嘅傢俬 香港嘅居住環境唔算寬敞，所以要喺傢俬到落啲心思，儘量搵一物多用而性價比高嘅傢俬，慳錢之餘仲可以慳位。

相信每一位專業嘅裝修師傅，或多或少都會遇到以下情況：「同啲客解釋極佢都唔明……」、「個客遲遲未畀錢，點開工啫？」、「明明係啲傢俬遲嚟，就話我哋Delay！」 裝修師傅同客戶之間嘅爭拗，好多時源於雙方溝通不足或者大家「牛頭唔搭馬嘴」，產生不必要嘅誤會，如果呢個時候有「第三者」幫手排難解紛，等師傅可以專注於裝修工作，相信會輕鬆得多！ 而COZYRENO作為一個一站式裝修服務平台，除咗係裝修師傅同客戶之間嘅溝通橋樑，由工程開始至到完工都會跟到足，幫手解釋或者處理客戶要求，更可以根據師傅嘅專業技術同裝修風格，配對返合適嘅客戶。裝修師傅既可以滿足到客戶要求，又能夠提供專業服務，自然會吸引更多客人啦！ 有興趣嘅裝修師傅，立即 按此 加入我哋嘅團隊，齊齊以優質服務拓展客源！