樓價高企，普通中產白領上車嘅時候已經係計得「有咁盡得咁盡」，有預算剩嘅都寧願放埋響樓價度 – 買大少少、買方便少少。辛苦一輪上到車之後攪裝修，已經係「限米煮限飯」要慳住用嘅時侯，反而遇到無良裝修師傅，質素就算有保証但玩一輪坐地起價，都會令一眾新業主好頭痕。呢啲裝修師傅嘅慣常坐地起價就有以下呢幾招：

  1. 先動工 後報價

就好似「上左賊船」咁，裝修工程快快手開工，無論最後結果個質素係點都好，都會俾D無良裝修師傳「撳住搶」。

  1. 粗略估價

通常老經驗嘅裝修師傅都傾向用粗略估價方式去報價，但有時無論係出左意外情況定係裝修師傅刻意報細數，定故意坐地報價都唔係一件愉快嘅事。

  1. 唔記得、無講過

裝修師傅報價無白紙黑字，真心「唔記得、無講過」報價作廢，又或者故意坐地起價。

  1. 講個「信」字

「信我啦攪得掂！」：最後裝修師傅用最靚料「天價」完工，小業主血本無歸。

  1. 報價非常詳細 但設有隱藏式收費

明白裝修時好多意外項目，但有時預料之內嘅材料費、人工費用就應該清楚列明，又或者設有商討空間、收費上限。

老生常談，最好梗係親力親為自己多觀察多格價、搵相熟有信譽嘅裝修師傅幫手，或者白紙黑字盡量清清楚先開工。再唔係亦可以響近年都幾盛行嘅網上裝修比對平台參考下，花多少少時間而免卻洗一筆冤枉錢都係值得嘅。