想揀舊樓住，但一諗起要翻新就頭痕？所以我哋專誠為大家送上5大貼士，計劃裝修時就知道要留意邊啲要點！

 

(1) 換明喉暗喉有技巧

舊樓水喉基本都係明喉，為咗美觀同實用，好多業主都會將所有明喉改為暗喉，但其實廁所同廚房就應該留返適當長度明喉，方便日後維修。另外舊樓水喉一般係容易生鏽嘅鑄鐵或者鍍鋅，從而導致漏水同水浸等問題，所以建議大家改用銅喉、鋁塑復合喉同PPR喉。

(2) 防水試驗咪亂做

防水層可能會喺裝修時受到破壞，而強行進行防水試驗，會出現滲水到樓下嘅問題。舊樓嘅防水層有無爛到其實好易睇 —— 舊樓一般用黑色嘅防水物料，例如瀝青油同聚氨酯，而現時就多用透明嘅防水物料。

(3) 電路安全要留意

一般舊樓嘅電路會有分配過於簡單、電線老化、違規布線等問題，亦都應付唔到現代家居嘅用電需求。建議將用插頭、照明、大Watt數嘅電器分開，避免用單一線路，同時將原有嘅鋁質電線改為2.5mm截面嘅銅質電線，而大Watt數嘅電器單獨設為4mm截面線路，埋線時必須用PVC絕緣護線管。

(4) 沙灰牆面要鏟到底

舊樓嘅牆身通常都係沙灰牆，經過長年累月，基底老化會好嚴重。為咗防止牆面裂開，裝修時應該將沙灰層鏟至紅磚牆，再用水泥鋪平、批灰、上牆漆。想更化算嘅可以鋪一層石膏板，一樣做到防裂效果。

(5) 牆身唔可以亂拆

舊樓主力牆一定唔可以拆，只可以拆輕體牆。而拆門窗、牆磚時要避免傷到主力牆嘅筋骨，除咗涉及到自己安全之餘，亦都牽涉到全棟樓住客嘅安危。

 

裝修舊樓唔容易，能夠搵到有能力嘅師傅幫手就放心得多。我哋嘅裝修師傅團隊經驗豐富，輕易掌握同瞭解唔同建築物嘅規管同限制，提供全面服務；而由報價開始，我哋會以第三方身份監督同幫你同裝修師傅進行溝通，直至工程完成為止。

歡迎 按此 預約免費專業裝修咨詢服務 ，同我哋嘅專業顧問傾吓你未來嘅裝修大計啦！