相信唔少人最怕喺裝修過程中，裝修師傅突然走數、工程爛尾，甚至拖延進度等等。但搵包埋裝修嘅室內設計公司，收費又比裝修師傅貴3成！一於教大家揀好嘅裝修師傅4大要點，喺預算內將間屋裝修到啱自己心水！

 

(1) 長期合作嘅施工團隊

如果裝修師傅喺水電、泥水、油漆等各方面都有自己班底，質素自然有較大保證；相反，臨時搵人或者只識判上判嘅裝修師傅，施工質素會較參差，出事風險就會更大。

(2) 會唔會親自出馬

裝修師傅會唔會「親自出馬」定係「只限監工」，都可以反映出師傅嘅收費水平同營運方式 —— 「只限監工」嘅裝修師傅主要負責項目管理，相對同客人嘅溝通能力會比較高，所以會比「親自出馬」嘅師傅收得貴。

(3) Check Check裝修師傅裝修過嘅單位

正所謂有圖有真相，作為一個有自信兼有能力嘅師傅，要搵一個「傑作」俾你參觀吓應該唔難；但如果師傅一直搵藉口安排唔到，咁就要小心啲喇。而參觀單位嗰陣要留意以下細位：

(i)泥水：四塊磁磚相連位係咪平整，兩磚之間個夾口有無對齊

(ii)木工：檢查櫃門有無對齊，木板邊位唔可以出現破損

(iii)油漆：正面觀察油漆係咪平滑之餘，亦都要由側面觀察牆身有無「波浪」

(iv)潔具：玻璃膠要整齊、馬桶水箱唔可以離牆

(4) 詢問裝修師傳嘅客源

一方面可以瞭解師傅嘅口碑，另一方面亦都可以清楚知道師傅擅長嘅工程類型，例如師傅只係專門裝修私人屋苑或者獨立屋，相信定位會較高檔次，價錢相對會較貴。

即使有以上4大重點，依然無從入手？就等COZYRENO幫你啦！我哋有多年緊密合作嘅師傅，亦清楚知道唔同師傅嘅專長同作風，我哋會根據你嘅要求，提供唔同師傅畀你揀之餘，仲會以第3方身份由報價開始監察至工程完成為止，咁就唔怕裝修師傅會走數或者工程爛尾啦！

 

立即 按此 免費體驗專業裝修咨詢服務，同專業顧問瞭解更多我哋擁有豐富經驗嘅裝修師傅團隊詳情啦！